時興 小飛象 ，趁放假拎支E lephant extract de parfum出嚟噴吓先 呢支Elephant係加拿大嘅Zoologist出品，Zoologist以唔同動物命名香水，以指名動物嘅居住環境同食物嘅氣味去還原該形象。 Perfumer: Chris Bartlett Parfum Concentration: 20% Top Notes: Tree Leaves, Darjeeling Tea, Magnolia Heart Notes: Cocoa, Coconut Milk, Incense, Jasmine, Woody Notes Base Notes: Amber, Musks*, Patchouli, Sandalwood *Synthetic notes. Zoologist Elephant does not use animal products. 得罪講句，香港(女)人無幾多個會敢用同識得欣賞呢類用調大膽、配方複雜，香水前中後調變化度高嘅香水。亦因此港商都無意引入咁具藝術性嘅香水品牌。呢支Elephant都係我上年去倫敦參拜B loom Perfumery買嘅戰利品之一，仲有幸見到我偶像Youtuber Ouch110。 Bloom Perfumery都係全倫敦唯一一間有賣Zoologist香水嘅香水鋪。BP入面有好多百貨公司無專櫃嘅Niche brand，簡單啲講即係BP係個寶藏。香港都有類似嘅聖地，位於上環差館上街嘅Parfumerie Trésor都係令我流連忘返嘅世外桃源。 對於香水，我好狂熱，而且特別鍾情小眾香。一來我享受氛芳帶嚟嘅喜悅，二來我唔太鍾意remind somebody of someone. 香水對於一個人、一個個體，就好似一間小店嘅鋪面嘅貨品Highlight，係用做招徠、展示魅力同個人特色。撇除我自小就同主流有不解之怨，我本身都唔安於平庸。 大路商業以銷售量為主題嘅香水周街都有得買，人人都係噴嗰啲，喺我眼中始終都唔會係一流之選。受到時裝品牌形象嘅限制，為保證銷量，每每發行新香水都不外乎兩個特色：大膽的樽裝安全的香，或者以九唔答嘅廣告sell支包裝平平無奇嘅傳統香。 只因小眾香無形象顧慮，方可一再創新， 用氣味去呈現一個個意境。 大眾香唔係唔好嘅，至少我翻工都